काठमाडौं । संघीय संसद् अन्तर्गतको प्रतिनिधिसभाका उपसभामुख इन्दिरा रानाले चलचित्र ‘बगान’ले समाज परिवर्तनका लागि भूमिका खेल्ने बताएकी छन् । बुधबार साँझ आयोजित चलचित्र ‘बगान’ को प्रिमियर शो मा उनकाे मुख्य उपस्थिती रहेकाे थियाे । पछि उनले ‘बगानले एकल आमाले गर्नु पर्ने संघर्ष, दायित्वसँगै परिवार र समाजबाट राख्ने अपेक्षा देखाएको बताइन् ।
यस चलचित्रमा समाजमा एउटा एकल महिला गरेकाे संर्घष अनि त्यागलाई यस चलचित्रमा चित्रण गरिएकाे छ । “एकल आमाको भावनालाई चलचित्रमार्फत समाजसम्म पुर्याउने प्रयास गरिएको छ । समाजसँगै आफ्नै परिवारबाट समेत सहयोग नपाउँदा जीवनको यात्रामा भोग्नु पर्ने समस्या चलचित्रमार्फत देखाइएको छ”, उपसभामुख रानाले भनिन् ।
समाज रूपान्तरणमा पुरुषको महत्वपूर्ण भूमिका हुने उनको धारणा छ । “एकल आमाले नयाँ जीवन बाँच्न पाउनुपर्छ भन्ने तथ्यलाई प्रस्ट्याएको यो चलचित्रले समाज परिवर्तन गर्न भूमिका खेल्छ”, उनले भनिन् । सरोज खनालले निर्देशन गरेको चलचित्र भोलिबाट प्रदर्शनमा आउँदै छ ।
