काठमाडौं । सुन्दर श्रीमतीसँग बेढंगी पारा तथा अभिनयात्मक पाराले नाच्ने एक युवक टिकटकमा खुब चर्चामा आएका थिए। धेरै भयो उनीहरुले त्यसरी रमाइला भिडियो नबनाएको । विवेक पंगेनी र उनकी पत्नी सिर्जनाको अमिल्दो नृत्यलाई रमाइलो मान्दै हेर्नेहरु धेरै थिए सामाजिक संजालमा तर, उनीहरुको जीवनमा अहिले रमाइलो गायब भएको छ ।
विवेक चौंथो स्टेजमा पुगेको ब्रेन क्यान्सरसँग संघर्ष गरिरहेका छन् । श्रीमानलाई बचाउन आफ्नो सबै बलबुता खर्चिरहेकी छिन सिर्जना । पढाइमा तेज विवेक भौतिकशास्त्रमा पीएचडी गर्नलाई फुल स्कलरसीपमा करिब ७ महिनाअगाडि अमेरिका गएका थिए । पार्किन्सन्सले थलिएकी आमाको निधन भएपछि करिब साढे दुई महिना अगाडि उनी नेपाल आए । आमाको काजक्रिया सकेपश्चात अमेरिका फर्किने तयारी गर्दैगर्दा उनको स्वास्थ्यमा समस्या देखिएको थियो ।
@crzanasubedi 
संसारै भासिएर गएको महशुस भो जव हांस्ने हसाउने नाच्ने रमाउने मेरो माया मेरो श्रिमानलाई ‘हाई ग्रेड ग्लायो ब्लास्टोमा ‘ब्रेन क्यान्सर लास्ट स्टेज छ भन्ने थाहा भो ! थरथर हात काप्छ केहि लेख्न खोजु भने ,कुन शव्दमा लेखु म यि दर्दनाक भोगाई हरू,सकिन्छर लेख्न एक एक पलको दुखाई? सकिन्छर शब्दमा उतार्न ? म ति रूवाईका पिडाका कुरा केहि लेख्दिन ,एक महिनामा दुई पटकको ब्रेन सर्जरी ति अनिदा रात ति दुखाई ,र पनि मैले दुख्यो भनि सोध्दा टाउको हल्लाई दुखेछैन भन्ने मेरो माया ! तिमी जति पिडा सहन सक्ने सायदै कोई छ यो संसारमा ! सबै आश बिलाएर जांदै गर्दा अब एकमात्र आश किमो रेडिएसर रहेको छ ! हर दिन किमो रेडिएसन हुदैछ सारै पोल्छ दुख्छ रे ,र पनि दुखेछैन पिर नगर भन्ने तिमीजती सहनशिल को नै होला ! भन्नु जति सजिलो रहेनछ पिडा छिपाइ मुस्कुराउन ,आंसु बगेको पत्तै हुदैन ! अहं म हार मान्ने छैन न तिमीलाई हार मान्न दिनेछु ! कमजोर न म हुनेछु न तिमी हुन , बलियो हुनुछ तिमीलाई माया अझै लडाई लड्नु छ ! ईश्वरले हेरिरहनु भछ होलानी है सबै ले उहांलाई पुकारदा ,एक जनाको मात्र भएनि पुकार कसो नसुन्नुहोला र ? 🙏🙏 @Bibek Pangeni prayforhim please 🥹🥹🥹❤️
अमेरिका जाने अघिल्लो दिन स्वास्थ्य परीक्षणका लागि अस्पताल लैजाँदा थाहा भयो, विवेकलाई क्यान्सरले गाँजिसकेको रहेछ । चौंथो स्टेजमा पुगेको ब्रेन ट्युमर देखिएपछि छाँगाबाट खसे झैं भए विवेक र सिर्जना । त्यसपछि उनीहरु निर्धारित दिनमै अमेरिका गए र विवेकलाई त्यहाँको अस्पतालमा भर्ना गरियो ।
भाइ विपीन पंगेनीका अनुसार अमेरिकाको अस्पतालमा विवेकका दुईवटा सल्यक्रिया भएका छन् र ७० प्रतिशत ट्युमर निकालिएको छ । तर, बाँकी उपचार किमोथेरापी र रेडियसनमार्फत लामो समयसम्म गर्नुपर्ने चिकित्सकले बताएका छन् । सिर्जनाले श्रीमानको स्वास्थ्य अवस्थाबारे ट्विटरबाटै सार्वजनिक गरेकी थिइन् । त्यसपछि उनीहरुका लाखौं शुभचिन्तकले प्रार्थनामात्र होइन, आर्थिक सहयोग पनि गरिरहेका छन् ।
@crzanasubedi संसारै भासिएर गएको महशुस भो जव हांस्ने हसाउने नाच्ने रमाउने मेरो माया मेरो श्रिमानलाई ‘हाई ग्रेड ग्लायो ब्लास्टोमा ‘ब्रेन क्यान्सर लास्ट स्टेज छ भन्ने थाहा भो ! थरथर हात काप्छ केहि लेख्न खोजु भने ,कुन शव्दमा लेखु म यि दर्दनाक भोगाई हरू,सकिन्छर लेख्न एक एक पलको दुखाई? सकिन्छर शब्दमा उतार्न ? म ति रूवाईका पिडाका कुरा केहि लेख्दिन ,एक महिनामा दुई पटकको ब्रेन सर्जरी ति अनिदा रात ति दुखाई ,र पनि मैले दुख्यो भनि सोध्दा टाउको हल्लाई दुखेछैन भन्ने मेरो माया ! तिमी जति पिडा सहन सक्ने सायदै कोई छ यो संसारमा ! सबै आश बिलाएर जांदै गर्दा अब एकमात्र आश किमो रेडिएसर रहेको छ ! हर दिन किमो रेडिएसन हुदैछ सारै पोल्छ दुख्छ रे ,र पनि दुखेछैन पिर नगर भन्ने तिमीजती सहनशिल को नै होला ! भन्नु जति सजिलो रहेनछ पिडा छिपाइ मुस्कुराउन ,आंसु बगेको पत्तै हुदैन ! अहं म हार मान्ने छैन न तिमीलाई हार मान्न दिनेछु ! कमजोर न म हुनेछु न तिमी हुन , बलियो हुनुछ तिमीलाई माया अझै लडाई लड्नु छ ! ईश्वरले हेरिरहनु भछ होलानी है सबै ले उहांलाई पुकारदा ,एक जनाको मात्र भएनि पुकार कसो नसुन्नुहोला र ? 🙏🙏 @Bibek Pangeni prayforhim please 🥹🥹🥹❤️
गो फन्डमार्फत अहिलेसम्म १ लाख २ हजार डलरभन्दा बढी रकम संकलन भएको छ । बैंक खातामा पनि केही सहयोग आएको छ । सिर्जनाले बेलाबखत श्रीमानसँग भिडिओहरु बनाएर टिकटकमा पोस्ट गर्छिन् । तर, यी भिडियोहरुले पहिले जस्तो दर्शकलाई गराउँदैनन्, बरु भावुक बनाउँछन् । धेरैले श्रीमानप्रति सिर्जनाको असीम प्रेम र समर्पणलाई सराहना गरिरहेका छन् ।
