काठमाडौं । कसैको भाग्यमा मोटरसाइकल त कसैको हातमा स्कुटर ! सामान्य रूपमा खरिद गरिएको इनर्जी ड्रिङ्कको एउटा क्यानले पनि ठूलो पुरस्कार दिलाउन सक्छ भन्ने उदाहरण बनेका छन् म्याक्स टाइगर इनर्जी ड्रिङ्कको ‘दसैँ धमाका २०२६’ अभियानका विजेताहरू ।
अभियानअन्तर्गत भाग्यशाली विजेताहरूले पुरस्कार प्राप्त गर्न थालेका छन् । काठमाडौं र विराटनगरमा आयोजित एक्सट्रिम फ्यानजोन कार्यक्रममार्फत चार जना विजेतालाई तीन वटा मोटरसाइकल र एउटा स्कुटर हस्तान्तरण गरिएको हो ।
काठमाडौंको सिफलस्थित नेपाल प्रिमियर लिग (एनपीएल) स्क्रिनिङ स्थलमा आयोजित कार्यक्रममा काठमाडौंका सुमन कर्माचार्य र विनोद ढुंगेललाई मोटरसाइकल हस्तान्तरण गरिएको छ । म्याक्स टाइगरको क्यानको बिर्कोमार्फत आकर्षक पुरस्कार जित्ने अवसर पाएका उनीहरूले अभियानअन्तर्गत मोटरसाइकल प्राप्त गरेका हुन् ।
त्यसैगरी, विराटनगरको पुरानो गुद्रीमा सञ्चालित एक्सट्रिम फ्यानजोनमा पनि दुई जना विजेतालाई पुरस्कार हस्तान्तरण गरिएको छ । धरानका अनोजकुमार अधिकारीले स्कुटर प्राप्त गरेका छन् भने विराटनगरका विनोद पोखरेलले मोटरसाइकल हात पारेका छन् ।
पुरस्कार प्राप्त गरेपछि विजेताहरूले खुसी व्यक्त गरेका छन् । मोटरसाइकल विजेता सुमन कर्माचार्यले सामान्य रूपमा खरिद गरेको इनर्जी ड्रिङ्कबाट यति ठूलो पुरस्कार प्राप्त हुने कल्पनासमेत नगरेको बताए । मोटरसाइकल जितेको खबरले उत्साहित बनाएको उल्लेख गर्दै उनले पुरस्कार हात पर्दाको क्षण अझ विशेष बनेको प्रतिक्रिया दिए ।
त्यस्तै, विनोद ढुंगेलले म्याक्स टाइगरको अभियान आफ्ना लागि अप्रत्याशित खुसीको अवसर बनेको बताए । सामान्य रूपमा इनर्जी ड्रिङ्क खरिद गर्दा मोटरसाइकल जित्न पाउनु अनौठो र सुखद अनुभव भएको उनको भनाइ छ ।
स्कुटर विजेता अनोजकुमार अधिकारीले पनि पुरस्कार प्राप्त गर्नु आफ्ना लागि खुसीको क्षण भएको बताए । उनले म्याक्स टाइगरको अभियानलाई यादगार अनुभवका रूपमा लिएको प्रतिक्रिया दिए । अर्का विजेता विनोद पोखरेलले पनि इनर्जी ड्रिङ्क खरिदबाट मोटरसाइकल जित्ने अवसर पाउनु विशेष उपलब्धि भएको बताए ।
म्याक्स टाइगरको ‘दसैँ धमाका २०२६’ अभियानअन्तर्गत हालसम्म १० जनाले मोटरसाइकल र ८ जनाले स्कुटर जितिसकेका छन् । कम्पनीका अनुसार अभियानमा अझै ८ वटा मोटरसाइकल, १० वटा स्कुटर र बम्पर पुरस्कारका रूपमा एउटा प्रोटोन कार जित्ने अवसर बाँकी छ ।
विशेषगरी बम्पर पुरस्कारमा राखिएको प्रोटोन कारले उपभोक्तामाझ थप उत्सुकता र आकर्षण बढाएको कम्पनीको भनाइ छ ।
सामान्य रूपमा खरिद गरिने इनर्जी ड्रिङ्कको क्यानको बिर्कोलाई आकर्षक पुरस्कार जित्ने अवसरसँग जोड्दै म्याक्स टाइगरले देशका विभिन्न सहरका उपभोक्तालाई अभियानमा सहभागी गराउँदै आएको छ । एनपीएलको प्रत्यक्ष प्रसारण भइरहेको एक्सट्रिम फ्यानजोनमार्फत विजेतालाई पुरस्कार हस्तान्तरण गर्ने क्रम सुरु भएको र आगामी दिनमा पनि यसलाई निरन्तरता दिइने कम्पनीले जनाएको छ ।
