फिल्म प्रमोसनका लागि मोफसल टूरमा रहेको ‘ह्यारीकी प्यारी’ टिमले धरान उपमहानगरपालिकाका मेयर हर्कराज साम्पाङ राईलाई भेटेका छन् ।
बिहिबार कलाकार जितु नेपाल, साम्राज्ञी राज्यलक्ष्मी शाह, विजय बराल, डिओपी सुदिप बराल र निर्देशक डा। कपिल रिजाललगायतको टिमले धरानस्थित श्रम संस्कृति पार्कमा पुगेर मेयर साम्पाङलाई सय वटा रुद्राक्षको बिरुवा प्रदान गरेको थियो ।
निर्देशक रिजालले मेयर साम्पाङको काम गर्ने तरिकाले आफु प्रभावित भएकाले धरान आएको बेला बिरुवा उपहार लिएर भेट्न आएको बताए ।
‘धरानसंग मेरो बाल्यकाल जोडिएको छ । यहिँ हुर्केर पढेको मान्छे हुँ म । देश दौडाहको क्रममा यहाँ आउँदा हर्क सरलाई पनि भेटौं भन्ने लाग्यो । त्यसै अनुरुप सय वटा रुद्राक्षको बिरुवा लिएर आएका छौं । हामि रहे नरहेंपनि यी रुख रहिरहने छन् ।’ रिजालले साम्पाङलाई बिरुवा प्रदान गर्दै भने ।
अभिनेत्री शाहले मेयर साम्पाङको काममा हौसला बढाउन बिरुवा सहयोग गरेको बताउदै ‘ह्यारीकी प्यारी’पनि हेरिदिन आग्रह गरिन ।
अभिनेता जितु नेपालले साम्पाङलाई परिस्थितिले बनाएको रियल हिरोको उपमा दिंदै फिल्मको प्रिमियर र ‘मुन्द्रेको कमेडी क्लब’ सिजन ३ मा आतित्यथा ग्रहणको निम्तो दिए ।
बिहिबारै निर्देशक मिलन चाम्स, क्याप्टेनरकलाकार विजय लामालगायतको टिमपनि मेयर साम्पाङलाई भेट्न श्रम संस्कृति पुगेका थिए ।
भेटघाटको दौरान चाम्स र थापाले ‘ह्यारीकी प्यारी’ टिमलाई सफलताको शुभकामना दिंदै दर्शकलाई फिल्म हेरिदिन आग्रह गरेका थिए ।
अनौपचारिक कार्यक्रममा बोल्दै मेयर साम्पाङले राम्रो उपहार प्रदान गरिदिएकोमा धन्यवाद व्यक्त गर्दै फिल्मलाई सफलताको शुभकामना दिए । साथै साम्पाङले श्रमदानले गर्दा नै आफुले खानेपानीको योजनालाई समय मै पूर्णता दिएको बताए ।
उनले श्रमदानले बिकास, समाज र स्वास्थ्यमा सकारात्मक प्रभाव पार्ने बताए । उक्त भेटघाटमा मोडल एलिसा राई, कलाकार रेखा फागो र निर्देशक जनकदीप पराजुलीपनि उपस्थित थिए ।
जितु, साम्राज्ञी र विजयसहित लक्ष्मी गिरी, सुवाष गजुरेल, रन्जना भट्टराई, सरला रिजाललगायतका कलाकारहरुको अभिनय रहेको फिल्म ‘ह्यारीकी प्यारी’ माघ २० देखि अलनेपाल प्रदर्शनमा आउदैछ ।
सुदिप बरालको डिओपी, रविन्द्र न्यौपानेको छायांकन, कविराज गहतराजको कोरियोग्राफी र युग भुषालरशिखर सन्तोषको संगीत रहेको फिल्म अर्जुन जिसीले सम्पादन गरेका हुन् ।
बिआर प्रोडक्सनको व्यानरमा निर्मित फिल्ममा डा। भोला रिजालको निर्माण छ । फिल्मको कार्यकारी निर्मातामा मनिष रिजाल, प्रलय रिजाल, सुदिप बराल र जीवन ओली रहेका छन् ।
