काठमाडौँ । निर्देशन सन्तोष सेनको फिल्म ‘बलिदान’मा बिराज भट्टका छोरा समीर अनुबन्ध भएका छन् । निर्माण पक्षले शुक्रबार फिल्मको ‘फस्ट लुक’ पोटस्टर सार्वजनिक गर्दै समीर अनुबन्ध भएको जानकारी दिएको हो । विराजले समिरलाई लिएर केही अघि फिल्म ‘१२ गाउँ’ निर्माण घोषणा गरेका थिए ।
सेनको फिल्म कम्पनी आसुसेन फिल्मस्ले समिरको फोटो राख्दै फिल्मको फस्टलुक पोस्टर सार्वजनिक समेत गरेको छ । समीरले लामो समयदेखि भारतको मुम्बईमा रहेर अभिनय, मार्सल आर्ट, नृत्य र द्वन्द्वमा तालिम लिएका थिए । ‘बलिदान’को लागि एक हिरोको खोजीमा थियौ । समिरमा त्यो क्षमता देखेर छानेको निर्माता निर्देशक सेनले बताए ।
देशको अस्मिता जोगाउन एक युग पुरुष कसरी जन्मिछ भन्ने कथाको वरपरमा बन्ने यो फिल्म सेन आफैले निर्देशन गर्न लागेका हुन् । सन्तोष सेनको प्रस्तुति रहने फिल्मका निर्माता पवन ब्राडफोर्ड बिस्ट तथा सह निर्माता प्रेम पुरी हुन् ।
