काठमाडौं । सहकारी ठगीको आरोपमा जिल्ला कारागार रुपन्देहीमा थुनामा रहेका पूर्वगृहमन्त्री तथा रास्वपा सभापति रवि लामिछानेले सरुवा भएर काठमाडौं ल्याउने इच्छा व्यक्त गरेका छन् । लामिछानेले रुपन्देहीबाट सरुवा भएर काठमाडौं डिल्लीबजार कारागार आउन चाहेपछि कारागार प्रशासनले प्रक्रिया अघि बढाएको हो ।

Advertisement

सर्वोच्च अदालतले उच्च अदालतको आदेश सदर गर्दै आदेश गरेपछि थुना अवधि थप लम्बिने हुदा लामिछानेले काठमाडौं सरुवा हुने चाहना व्यक्त गरेका थिए ।

पहिले पनि लामिछानेलाई सरुवा हुन चाहे/नचाहेको बारे सोधिएको थियो । त्यसबेला उनले आफूलाई रुपन्देहीमै ठिक भएको बताएका थिए ।

आफूलाई पायक पर्ने स्थानमा सरुवा माग गर्न पाउने अधिकार जोसुकै कैदीबन्दी हुन्छ । यद्यपि, सुरक्षा चुनौति लगायतलाई ध्यान दिएर कारागार प्रशासनले त्यसबारे निर्णय लिने स्रोतले बताएको छ।