काठमाडौं। राष्ट्रपति रामचन्द्र पौडेलसमक्ष नेपालका लागि नियुक्त छ मुलुकका गैरआवासीय राजदूतहरूले आज ओहोदाको प्रमाणपत्र पेस गरेका छन्।
राष्ट्रपति भवन शीतल निवासमा आयोजित छुट्टाछुट्टै विशेष समारोहमा केन्या, जोर्डन, जिम्बाब्वे, डेनमार्क, उरुग्वे लगायतका मुलुकका नवनियुक्त राजदूतहरूले आ–आफ्नो नियुक्तिपत्र प्रस्तुत गरेका हुन्।
राष्ट्रपति कार्यालयका अनुसार ओहोदाको प्रमाणपत्र पेस गर्नेमा केन्याका मुन्यरी पिटर, जोर्डनका युसुफ अब्देलघानी, जिम्बाब्वेका स्टेला न्कोमो वाहागन, डेनमार्कका रसमस एबिल्डगार्ड र उरुग्वेका अल्बर्टो ए. गुआनी रहेका छन्।
समारोहमा परराष्ट्रमन्त्री डा. आरजु राणा देउवा, सचिवस्तरीय अधिकारीहरू तथा नेपाल सरकारका अन्य उच्च पदस्थ व्यक्तिहरूको उपस्थिति रहेको थियो।
नवनियुक्त राजदूतहरूसँग राष्ट्रपति पौडेलले नेपालसँगको सम्बन्धलाई अझ सुदृढ बनाउन सकिने विषयमा कुराकानी गरेका थिए।
