काठमाडौ। गण्डकी प्रदेश सरकारले ल्याएको राईड शेयरिङ्ग नियमावली २०८२ विरुद्ध यातायात व्यवसायी आन्दोलन गर्न सडकमा उत्रिएका छन् । सार्वजनिक यातायात बचाउ केन्द्रीय संघर्ष समिति २०८२ ले सोमबारदेखि यातायात नचलाई आन्दोलनमा उत्रिने भएको छ ।
यातायातको व्यवसायीको ४ वटा महासंघ र ४ वटै मजदुर संघ, संगठनले संयुक्त रूपमा आन्दोलनको घोषणा गरेका छन् ।
संविधानको धारा ५७ को उपधारा ६ उपधारा ३ वा ५ र सवारी तथा यातायात व्यवस्था ऐन २०४९ को परिच्छेद २ को दफा ८ को २ र दफा १२ को १ विपरीत हुने गरी राईडर शेयरिङ्क नियमावली ल्याएको यातायात व्यवसायीले आएओप लगाएका छन्।
निजी प्रयोजनको लागी खरिद गरिएका पुराना १० बर्से २ पाङ्ग्रे सवारी साधन, १५ वर्ष पुराना निजी ४ पाङ्ग्रे सवारी साधनलाई भाडाका सवारी साधन सरह प्रयोग गर्ने गरी नियमावली गण्डकी सरकारले ल्याएको यातायात व्यवसायीको भनाई छ । सो विषयमा सरकारलाई ७ बुँदे ज्ञापनपत्र बुझाउँदा समेत वास्ता नगरेकाले आन्दोलनमा उत्रिएको ८ संगठनको भनाई छ ।
