काठमाडौं । गठबन्धनमा आबद्ध सरकारमा सहभागी दलको बैठक बालुवाटारमा बसिरहेको छ । प्रधानमन्त्रीको सरकारी निवास बालुवाटारमा बसिरहेको बैठकमा बजेट, रेशम चौधरी रिहाइ, नक्कली शरणार्थी प्रकरणलगायत विषष्मा छलफल भइरहेको हो । सरकारले ५ जेठमा नीति तथा कार्यक्रम ल्याउने तयारी गरेको छ। मंगलबार दिउँसो पनि प्रधानमन्त्री प्रचण्डले सरकार समर्थित १० दलको बैठक बोलाएका थिए ।

Advertisement

बैठकमा सहभागी गठबन्धन दलका नेतासँग प्रधानमन्त्री प्रचण्डले आज बेलुकासम्म नीति तथा कार्यक्रममा लिखित सुझाव दिन समयसीमा तोकिदिएका छन् । बैठकमा सर्वोच्च अदालतले रेशम चौधरीलाई जन्मकैद गर्ने जिल्ला अदालतको फैसला सदर गरेपछि अब कसरी अगाडि बढ्ने भन्नेबारे नेताहरुबीच छलफल भएको बालुवाटार स्रोतले जनाएको छ ।