काठमाडौं । कालीमाटी फलफूल तथा तरकारी बजार विकास समितिले आजका लागि विभिन्न कृषिउपजको अधिकतम थोक मूल्य सार्वजनिक गरेको छ।
समितिका अनुसार गोलभेँडा ठूलो प्रतिकिलो ४५ रुपैयाँ, सानो लोकल १२ रुपैयाँ, आलु रातो ३२ देखि ४६ रुपैयाँ र प्याज सुकेको ५५ रुपैयाँ कायम भएको छ।
त्यस्तै, गाजर १०० देखि ११० रुपैयाँ, काउली ९० रुपैयाँ, बन्दा ४० रुपैयाँ, भिन्डी ४० रुपैयाँ, लौका ३५ रुपैयाँ र फर्सी २५ देखि ९० रुपैयाँ प्रतिकिलो तोकिएको छ।
फलफूलतर्फ स्याउ (फुजी) ३०० रुपैयाँ, केरा २०० देखि २५० रुपैयाँ, कागती १७० रुपैयाँ, अनार ५०० रुपैयाँ र आँप १५० देखि १६० रुपैयाँ प्रतिकिलो कायम भएको छ।
यस्तै अदुवा २०० रुपैयाँ, सुकेको खुर्सानी ५०० रुपैयाँ, हरियो धनियाँ २०० रुपैयाँ र नेपाली लसुन १८० रुपैयाँ प्रतिकिलो निर्धारण गरिएको छ।
माछातर्फ ताजा रहु ३४० रुपैयाँ, बचुवा र छडी माछा ३०० रुपैयाँ प्रतिकिलो कायम गरिएको समितिले जनाएको छ। बजारमा खुद्रा मूल्य भने ढुवानी र अन्य खर्चका कारण फरक हुन सक्ने बताइएको छ।
