काठमाडौं । नेकपा एमालेका महासचिव शंकर पोखरेलले पार्टी र आन्दोलनप्रतिको गहिरो विश्वासबिनाका कार्यहरू जीवन्त र प्रभावकारी बन्न नसक्ने धारणा व्यक्त गरेका छन् ।
Advertisement
आनन्द प्रसाद पोखरेलद्वारा लिखित ‘कम्युनिष्ट पार्टी निर्माणका आधार’ पुस्तक लोकार्पण कार्यक्रममा बोल्दै उनले जुन काममा जुटेका छौं । त्यसमा सबैभन्दा पहिलो कर्तव्य भनेको पार्टीप्रतिको आस्था र विश्वास भएको बताएका हुन् ।
उनले भने ‘जबसम्म हामी पार्टीमाथि विश्वास गर्न सक्दैनौं, हाम्रा कामहरू जीवन्त र प्रभावकारी हुन सक्दैनन् । जुन काममा जुटेका छौं त्यसमा सबैभन्दा पहिलो कर्तव्य भनेको पार्टीप्रतिको आस्था र विश्वास हो ।’ उनले पार्टी निर्माणलाई परिवर्तनको उद्देश्यसँग गाँसेर हेर्नुपर्ने उल्लेख गर्दै, वैधानिक तयारीमार्फत समाजमा चेतना, वर्गसंघर्ष र आवश्यक्ताका आधारमा परिवर्तन सम्भव हुने बताए ।
