काठमाडौं। यातायात व्यवसायीले गरेको सार्वजनिक यातायात बन्दका कारण आज पनि सर्वसाधारण कष्टमा परेका छन् । सार्वजनिक गाडी नचलेपछि राइड सेयरिङ गर्नेहरूलाई भने फाइदा पुगेको हो ।
Advertisement
सधैँ गाडीले खचाखच भइरहने बस स्टपहरुमा अहिले पठाओ, इन्ड्राइभ जस्ता राइड सेयरिङ सवारीसाधनहरू देखीरहेका छन्।
काठमाडौंमा आज मयुर यातायात,थानकोट जाने फोर्स गाडी र केही भाडाका ट्याक्सीहरू चलेका छन् । यसैगरी साझा यातायातका बसहरू पनि चलिरहेका छन् । नेपाल प्रहरी र सशस्त्र प्रहरीले आज पनि दुइटा रुटमा नि:शुल्क बस चलाएको छ ।
सोमबार मध्यरातमा संघीय सरकार र यातायात व्यवसायी संघबीच ‘राइड सेयरिङ’ नियमावली स्थगित गर्ने विषयमा गण्डकी सरकारलाई पत्राचार गर्ने सहमति भए पनि यातायात व्यवसायीले आज पनि सार्वजनिक सवारीसाधन नचलाएका हुन् ।
