काठमाडौं। १५ जेठ अर्थात आज नेपालमा गणतन्त्र स्थापना भएको दिन । नेपालमा मात्रै होइन,विदेशमा रहेका नेपालीले पनि विविध कार्यक्रम आयोजना गरी आज गणतन्त्र दिवस मनाइरहेका छन् ।
Advertisement
आज काठमाडौंको टुँडिखेलमा विशेष समारोहबीच सरकारले आज गणतन्त्र दिवस मनाइरहेको छ । सेनाको हेलिकप्टरमार्फत पुष्पवृष्टिका साथै सुरक्षाकर्मीको कवाज प्रदर्शनका साथ यो दिवस मनाइँदै छ ।
हरेक वर्ष झैं यो वर्ष पनि शान्तिको प्रतीक परेवा उडाइएको छ । समारोहमा राष्ट्रपति रामचन्द्र पौडेल, उपराष्ट्रपति रामसहाय प्रसाद यादव, प्रधानमन्त्री केपी शर्मा ओली लगायत संवैधानिक निकायका पदाधिकारी उपस्थिति छन्।
नेपालमा १५ जेठ २०६५ सालमा निरंकुश राजतन्त्रको विधिवत् अन्त्य गर्दै संघीय लोकतान्त्रिक गणतन्त्रात्मक शासन व्यवस्था प्रारम्भको घोषणा भएको थियो ।
