नेपाली कांग्रेसका महामन्त्री गगन थापाले सरकारमा रहेकाहरू र पार्टीका नेताहरूको गति र मति ठिक भए त्यसबाट आउने उत्साहले आक्रोशको आगोलाई मार्दै जाने बताएका छन्।
नागरिकहरूमा अहिले आक्रोश रहेको र त्यसैलाई देखाएर केहीले रोटी सेक्ने काम गरेको उनको भनाइ छ।‘नागरिकहरूले केबल संशय व्यक्त गरेका हुन्। उनीहरू डेलिभरी खोजिरहेका छन्, काम र परिणाम खोजिरहेका छन्।
यसका निम्ति नेतृत्व गर्नेहरूको मति ठिक हुनुपर्छ र गति ठिक हुनुपर्छ,’ सोमबार धनगढीमा आयोजित कांग्रेस सुदूरपश्चिमको प्रथम सम्मेलनमा बोल्दै उनले भने, ‘हामीले सबै जिम्मेवारी पाइसकेका छौं, अब दिनुपर्ने मात्रै छ।’
डेलिभरीको मति र गति ठिक राख्यो भने त्यसबाट आउने उत्साहले आक्रोशको आगोलाई मार्दै जाने महामन्त्री थापाले बताए।
छेउमा बसेर कसैले घिउ खन्याउन खोजे पनि जसले रोटी सेक्न खोजे पनि त्यो कर्म त्यही तुहिएर जान्छ,’ उनले भने, ‘हामीले जिम्मेवारी पाएका छौं, गनगन गर्ने होइन।’
