काठमाडौं । विपक्षी दलहरूले बिचौलिया इनम सापकोटासँग जोडिएको भनिएको अडियो प्रकरण तथा पछिल्ला गम्भीर घटनाबारे छानबिन गर्न प्रतिनिधिसभा अन्तर्गतको राज्य व्यवस्था तथा सुशासन समितिको तत्काल बैठक बोलाउन माग गरेका छन्।
राष्ट्रिय प्रजातन्त्र पार्टी (राप्रपा) का संसदीय दलका नेता ज्ञानेन्द्र शाहीले समितिका सभापति हरि ढकाललाई लिखित पत्र पठाउँदै बैठक बोलाउन माग गरेका हुन्। अन्य विपक्षी दलहरूले पनि अनौपचारिक रूपमा समिति बैठकको माग गरेका छन्।
शाहीले पछिल्लो समय नेपाल प्रहरीका महानिरीक्षक र सरकारबीच देखिएको तिक्तता, पत्रकार पक्राउका घटनाहरू, राज्यशक्तिको दुरुपयोगसम्बन्धी प्रश्न तथा प्रधानमन्त्रीका सल्लाहकार कुमार बेनसँग जोडिएका विषयमा गम्भीर छलफल र छानबिन आवश्यक रहेको उल्लेख गरेका छन्।
उनले समितिको बैठकमा प्रधानमन्त्री, गृहमन्त्री, गृहसचिव र नेपाल प्रहरीका महानिरीक्षकलाई अनिवार्य रूपमा उपस्थित गराई स्पष्ट जवाफ माग्नुपर्ने बताएका छन्।
यस्तै, नेपाली कम्युनिस्ट पार्टी (नेकपा) का प्रमुख सचेतक युवराज दुलालले पनि समिति बैठक बोलाउन माग गर्दै पत्र पठाएका छन्। उनले प्रहरी हिरासतमा रहेका इनम सापकोटाको भनिएको अडियो कसरी सार्वजनिक भयो भन्ने विषयमा छानबिन हुनुपर्ने माग गरेका छन्।
दुलालले प्रधानमन्त्री र प्रमुख सल्लाहकारका सामाजिक सञ्जालमा आएका अभिव्यक्ति, पत्रकार पक्राउ र रिहाइका घटना तथा सरकारको भूमिकाबारे गृहमन्त्री र आईजीपीलाई समितिमा उपस्थित गराएर जवाफदेही बनाउनुपर्ने बताएका छन्।
उनका अनुसार समिति सभापतिसँग यस विषयमा छलफल भइसकेको छ र
