काठमाडौँ । रसुवाको भोटेकोसी हुँदै त्रिशूली नदीमा आएको विनाशकारी बाढीमा परी ज्यान गुमाएकाप्रति श्रद्धाञ्जली अर्पण, बेपत्ताको शीघ्र उद्धार र सकुशलताको कामना गर्दै मध्यपुर थिमीमा दीप प्रज्वलन गरिएको छ ।
राष्ट्रिय शोक दिवसको अवसरमा मध्यपुर क्रिएटिभ ग्रुप र मध्यपुर थिमि या कला संस्कृतिको संयुक्त आयोजनामा मध्यपुर थिमीस्थित ऐतिहासिक दुई पोखरी प्राङ्गणमा श्रद्धाञ्जली व्यक्त गर्दै दीप प्रज्वलन गरिएको हो ।
मध्यपुर क्रिएटिभ ग्रुपका सदस्य सुशन श्रेष्ठका अनुसार प्राकृतिक विपत्तिले पुर्याएको क्षतिप्रति दुःख व्यक्त गर्दै बाढीमा ज्यान गुमाएका दिवङ्गत आत्माको चिरशान्तिको कामना गरिएको थियो । साथै बेपत्ता रहेका नेपाली तथा विदेशीको शीघ्र उद्धार र खोजी कार्य सफल होस् भन्ने कामनासहित दीप प्रज्वलन गरिएको थियो। श्रद्धाञ्जली सभामा स्थानीयवासी, युवा तथा विभिन्न सङ्घ(संस्थाका प्रतिनिधिहरूको उल्लेखनीय उपस्थिति रहेको थियो ।
गत २६ अगस्ट २०२६ मा नेपाल–चीन सीमा क्षेत्रबाट आएको विनाशकारी बाढीले रसुवाको भोटेकोसी नदी तथा त्यससँग जोडिएका क्षेत्रमा ठुलो मानवीय र भौतिक क्षति पुर्याएको छ।
बाढीले रसुवा, नुवाकोटलगायतका जिल्लामा बस्ती, सडक, पुल तथा जलविद्युत् आयोजनामा व्यापक क्षति पुर्याउनुका साथै त्यस क्षेत्रमा आवतजावत गरिरहेका पर्यटक तथा यात्रुहरू समेत प्रभावित भएका छन्।
