काठमाडौँ । कैलालीको लम्कीचुहा नगरपालिका २ बगौरा निवासी विमला तिमल्सिना घाँस काट्ने क्रममा करेन्ट लागेर घाइते भएकी छिन् । घाइते तिमल्सिनाको अहिले काठमाडौँस्थित कीर्तिपुर बन अस्पतालमा उपचार भइरहेको छ ।
उपचाररत तिमल्सिनाको शल्यक्रियाको क्रममा दुई हात र खुटा काटिएको छ । आर्थिक अवस्था कमजोर भएकी तिमल्सिनाको उपचारका लागि गाह्रो भएको परिवारले जनाएका छन् । तिमल्सिनाको श्रीमानको पनि दुई वटा हात र एउटा खुटा नै भाँचिएको र घरमा कमाउने कोही नहुँदा उपचारमा समस्या भएको परिवारले जनाएको छ । उपचारका लागि आर्थिक सहयोग गरिदिन समेत अनुरोध गरेका छन् ।
विद्युत् प्राधिकरणले तारहरूको राम्रो व्यवस्थापन नगर्दा घटना घटेको परिवारले जनाएका छन् । यस्ता घटना फेरि हुन नदिन प्राधिकरणले विद्युतीय तारहरूको राम्रो व्यवस्थापनको साथै अनुगमन पनि गर्नुपर्ने उनीहरूले बताएका छन् ।
नोट: उपचारका लागि सहयोग गर्न चाहनेका लागि विमला तिमल्सिनाकाे नम्बर 9766397061
