काठमाडौं । चितवन २ मा राष्ट्रिय स्वतन्त्र पार्टीका उम्मेदवार रवि लामिछानेले अघिल्लो पटक भन्दा राम्रो नतिजा आउनेमा आफू आशावादी रहेको प्रतिक्रिया दिनु भएको छ ।

Advertisement

उपनिर्वाचनका क्रममा चितवनका विभिन्न मतदानस्थलहरुको अवलोकन गर्ने क्रममा सञ्चारकर्मीसँग कुरा गर्दै लामिछानेले मतदातामा आशा र उत्साह देखिएको भन्दै आफूमा पनि उत्साह बढेको सुनाउनु भयो । ‘बिहानदेखि उत्साह देखिएको छ । त्यसलाई मैले सकारात्मक रूपले लिएको छु । यद्यपि मतदाता कति उपस्थित हुनुहुन्छ थाहा छैन तर पनि नतिजा सकारात्मक हुन्छ भन्नेमा विश्वस्त छु’, उहाँले भन्नु भयो ।

यस पटकको उपनिर्वाचमा सभापति रविले मतदाता नामावली काठमाडौंमा भएका कारण भोट हाल्न भने पाउनुहुन्न । चितवन २ मा एक लाख २४ हजार ६९५ मतदाता रहेका छन् । अहिले धमाधम मतदानको कार्य भईरहेको छ ।