काठमाण्डौ । गएको चैत महिनामा मात्रै ६१ हजारभन्दा धेरै नेपालीले वैदेशिक रोजगारीमा जानका लागि श्रम स्वीकृति लिएका छन् । वैदेशिक रोजगार विभागको तथ्याङ्क अनुसार २०७९ चैत महिनामा संस्थागत, व्यक्तिगत, जी टु जी प्रक्रिया र पुन श्रम स्वीकृति गरी ६१ हजार ४ सय ७८ जनाले श्रम स्वीकृति लिएका छन् । जसमध्ये पाँच हजार १३५ जना महिला र ५६ हजार ३४३ जना पुरुष रहेका छन् ।
७१९ वटा म्यानपावर कम्पनीले २७ हजार ८५५ जनाको संस्थागत श्रम स्वीकृति लिएका छन् भने ५ हजार ९४८ जनाले व्यक्तिगत पहलमा नै वैदेशिक रोजगारीमा जान व्यक्तिगत श्रम स्वीकृति लिएका छन् । जी टु जी अर्थात् सरकारी प्रक्रियामार्फत चैत महिनामा १८० जना महिला र दुई हजार ९५ जना पुरुष गरी २२ सय ७५ जनाले दक्षिण कोरिया जानका लागि श्रम स्वीकृति लिएका छन् । एक पटक श्रम स्वीकृति लिएर विदेश गइसकेर श्रम स्वीकृति नवीकरण गर्नेको सङ्ख्या २५ हजार चार सय रहेको छ ।
