काठमाडौँ । भरतपुरमहानगरपालिकाकि मेयर रेणु दाहालले निर्वाचन आचारसंहिता तोड्नु भएको छ । निर्वाचन आयोगले बनाएको आचारसंहितामा कुनै पनि उच्च पद धारण गरेको व्यक्तिले कुनै चुनावि सभामा भाग लिन नपाउने नियम बनाएको छ । तर मेयर रेणु दाहालले आचारसंहिता विपरित गएर भरतपुर महानगर ७ मा भएको चुनावि सभालाई संबोधन गर्दै आचारसंहिता उल्लङ्घन गर्नु भएको हो ।
उहाँले चुनावि सभामा बोल्दै भरतपुरलाई गठबन्धनका नेताको आवश्यकता रहेको र अन्य नेता आएर गठबन्धनका नेतालाई काम गर्न नदिने बताउनु भयो ।
‘ सुन्दर सहर बनाउने अभियानमा हामी अगाडि बढेका छौँ । त्यो अभियानलाई सफल बनाउनको निम्ति हाम्रो गठबन्धनको उमेद्वार हामीलाई खाँचो छ । अरु आयो भने हामीलाई भाँजो हाल्ने भएकाले तपाईहरुले यो विषयलाई गम्भिरता पुर्वक लिन आग्रह गर्दै जितनारायण श्रेष्ठलाई अमुल्य मतले निर्वाचित गराउन म आग्रह गर्दछु ।’ उहाँले भन्नु भयो ।
मेयर जस्तो पदमा भएर गैरजिम्मेवार बनेको भन्दै अहिले उहाँको आलोचना हुन थालेको छ ।
