काठमाडौँ । राष्ट्रिय स्वतन्त्र पार्टिका सभापति रवि लामिछानेले आफ्नो गाडि चालक दुर्घट्नामा परेको खबरले मर्माहित भएको बताउनु भएको छ । उहाँले सोमबार सामाजिक सञ्जालमा पोष्ट राख्दै दुख व्यक्त गर्नु भएको हो । उहाँले चोट परेको समयमा सहानुभुतिको खाँचो रहेको र नुन चुक सहित स्तरहिन बनेर राजनीतिकरण नगर्न आग्रह गर्नु भएको छ ।

Advertisement

उहाँले लेख्नु भएको छ, ‘आज बिहान प्रिय शम्भु भाइ( मेरो गाडी चालक) छत बाट खसेर दुर्घटनामा पर्नु भयो । CMS ( पुरानो मेडिकल कलेज) मा उहाँ उपचाररत हुनुहुन्छ । बिहानै देखि निरन्तर र भरखरैपनि मैले चिकित्सक सँग परामर्श गरे अनुसार भगवानको कृपाले उहाँको स्वास्थ्य अवस्था बिहानको भन्दा सुधारीएको छ,स्थिर छ । प्रहरी पनि अनुसन्धानमा छ। यस्तो बेला यो भन्दा धेरै म सँग तपाईलाई भन्ने कुनै शब्दै छैन । म नेता भन्दा पहिले मानिस हुँ । म पनि थाक्छु, गल्छु । मेरा आँखामा पनि आशु आउँछन्। बिन्ती छ,यस्तो चोट लागेको बेला सहानुभूति र प्रार्थनाको साटो नुन चुक बोकेर नआउनु होला। स्तरहिन बनेर राजनीतिकरण नगर्नु होला। सक्नु हुन्छ भने मलाइ सहने शक्ति मात्रै दिनुहोला। मेरो सहयोगी, मेरो साथी,मेरो भाइ शम्भु अस्पतालको शैयामा संघर्ष गरिरहेको छ। उसकालागि प्रार्थना गरिदिनु होला। स्वास्थ्य लाभको कामना गरिदिनु होला। राजनीति गर्न सिङ्गो जीवन छ, यस्तो संवेदनशील घडिमा मौका नछुप्नु होला ।’

लामिछानेका सवारि चालक शम्भु भनिने दिलबहादुर थापा विहान तिन तले घरबाट लडेर गम्भिर घाईते हुनु भएको थियो । अहिले उहाँको उपचार भईरहेको छ ।