काठमाडौँ । राष्ट्रिय स्वतन्त्र पार्टिबाट उप निर्वाचनका लागि तनहुँ १ मा उमेद्वारी दिनु भएका डा.स्वर्णिम वाग्लेले राजनिति भनेको समाज सेवा भएको बताउनु भएको छ । तनहुँ व्यास नगरपालिका वडा नम्बर ११ मा भएको एक कार्यक्रमलाई सम्बोधन गर्दै उहाँले यस्तो बताउनु भएको हो । उहाँले अन्य ठाउँमा प्रतिष्ठा कमाईसकेका मान्छे आएर निश्चित कार्यकाल भित्र काम गरेर जनताको सेवा गर्नु पर्ने र राजनितीलाई मागिखाने भाँडो बनाउनु नहुने बताउनु भयो ।
पुराना नेताहरुले जवानिमा गरेको संघर्ष सम्झेर अहिले पनि जनताले जिताईरहनु पर्ने अध्यायको अन्त्य भएको उहाँको भनाई छ । उहाँले भन्नु भयो, ‘हामीलाई त आजिवन पुजिराख्नु पर्यो जनताले जिताईदिराख्नु पर्यो नि । औँला ठडाएर तिम्ले केही गर्यौ भन्यो भने चै हेैन मेलै खुब संघर्ष गर्या थे मैले आफ्नो यौवनकालको कुर्वानि गर्या थे, त्यही भएर मलाई चै आजिवन जिवन पर्यन्त तिमीहरुले मान मर्यादा राखिराख्नु पर्छ भन्ने खालको अपेक्षा थियो । त्यो अध्याय अब सिद्दियो । नेपाली राजनितीमा त्यो अध्याय सिद्दियो ।’
उहाँले विउ देखि नै विषाक्त बन्दै गएको लोकतन्त्रलाई अब छिनाल्नको निम्ति राष्ट्रिय स्वतन्त्र पार्टिले ल्याएका नयाँ कुराले लोकतान्त्रिक व्यवस्थालाई नै रुपान्तरण गर्ने विश्वास व्यक्त गर्नु भयो ।
