काठमाडौँ । नेकपा एमालेका नेता गोकुल बाँस्कोटाले चितवनको निर्वाचन क्षेत्र नम्बर २ मा भइरहेको उपचुनावमा नेकपा एमालेले जित्ने दाबी गर्नु भएको छ ।यसअघि रवि लामिछाने जितेर पदमुक्त भएपछि उपचुनावमा मनहरू बदलिएको उहाँले दाबी गर्नु भयो । बिहीवार बिहान सामाजिक सञ्जालमा लेख्दै बाँस्कोटाले मन बदलिने क्रम जारी रहेकाले लक्ष्य चुम्ने दृढ इच्छा रहेको जनाउनु भएको छ ।

Advertisement

उहाँले लेख्नु भएको छ, ‘बदलिए मनहरू, फर्किए साथीहरू र जारी छ यो क्रम– विरासतको लक्ष्य चुम्ने दृढ ईच्छासाथ । चितवन छु है !’ उपचुनावमा एमाले उम्मेदवारलाई जिताउन बाँस्कोटा यतिबेला चितवनमा खटिनु भएको छ ।