पौष १४ काठमाडौं । नेपाली कांग्रेसका पदाधिकारीमध्ये सहमहामन्त्री भिष्मराज आङ्देम्बेले समानुपातिकमा बस्न रुची देखाएका छन् । कोशी प्रदेशबाट समानुपातिकका लागि उनको नाम आएको र बन्दसूची मिलाउने क्रममै रहेको एक नेताले बताए ।२०७९ को चुनावमा एमालेका बसन्त नेम्वाङसँग ४७ मतको कमीले स्तब्ध भएका भिष्म २०७४ पनि एमालेकै बसन्तसँगै पराजित भएका थिए । २ पटक लगातार पराजय भोगेको र जिल्लामा पनि उनको पार्टीभित्रै आधार कमजोर बन्दै गएपछि आदिवासी जनजातिबाट पहिलो नम्बरमा समानुपातिकतर्फ बस्न खोजेको बताइएको छ ।
त्यस्तै २०३८ देखिका सबै चुनाव लडेका पूर्व सहमहामन्त्री अर्जुन नरसिंह केसीको पनि नाम समानुपातिकको लागि आएको छ । उनले प्रत्यक्ष चुनाव नलड्ने घोषणा गरिसकेको छन् । प्रत्यक्ष चुनाव नलड्न घोषणा गरेका महामन्त्री विश्वप्रकाश शर्मा र सहमहामन्त्री बद्री पाण्डेले भने समानुपातिकमा पनि नाम राखेका छैनन् ।
