काठमाडाैं । पाकिस्तान सीमा नजिक भारतको पञ्जाब राज्यमा रहेको भटिन्डामा सेनाको एक अखडामा बुधवार गोलीकाण्ड भएको छ । घटनामा चारजना जवानको मृत्यु भएको बताइएको छ । अहिले उक्त क्षेत्रलाई सीलबन्दी गरी सेनाले पञ्जाब प्रहरीसँग मिलेर अनुसन्धान थालेको छ ।

Advertisement

‘यस दुर्भाग्यपूर्ण घटनामा आर्टिलरी इकाइका चारजना सैन्य जवानहरू गोली लागी निधन भएका छन्,’ भारतीय सेनाको दक्षिणपश्चिम कमान्डको केन्द्रीय कार्यालयले विज्ञप्ति जारी गरेर जनाएको छ । ‘अन्य जवान घाइते हुने वा भवनमा क्षति पुग्ने कुनै घटना भएको छैन ।’ ‘दुई दिनअघि इन्सास राइफल र २८ राउन्ड गोलीगट्ठा दुई दिनअघि हराएको कुरालाई पनि अनुसन्धानको दायरामा राखिएको छ,’ विज्ञप्तिमा थप भनिएको छ । आतंकवादी आक्रमण नभई सैन्य अखडामा भएको कुनै झगडाका कारण यो घटना भएको हुन सक्ने प्रहरीको भनाइ छ ।