काठमाडौं । राष्ट्रिय स्वतन्त्र पार्टी (रास्वपा) का कार्यकारी सभापति डोल प्रसाद अर्यालले छोटो समयमा जनताले चाहेको निकास दिने हिसाबले गृहकार्य गरिरहेको बताएका छन् ।
बुधबार बसेको रास्वपाको केन्द्रीय समितिको बैठक पश्चात उनले जनताले चाहेको निकास र नचाहेको भ्रष्टाचारको अन्त्य गर्नको लागि आन्तरिक गृहकार्य गर्नुपर्ने भन्दै त्यसमै सबैको ध्यान केन्द्रीत रहेको बताए ।
उनले भने, ‘हामी जति सक्दो छोटो समयमा जनताले चाहेको निकास, जनताले चाहेको सुशासन, जनताले नचाहेको भ्रष्टाचारको अन्त्य गर्नको लागि हामीले आन्तरिक गृहकार्य धेरै नै गर्नुपर्ने छ । त्यसकारण हामीले आन्तरिक गृहकार्यमा अलि बढि ध्यान दिनुपर्ने अवस्था छ ।’
साथै, पार्टीका उपसभापति स्वर्णिम वाग्लेले ताजा जनादेशको जेनजीको मागलाई साथ दिँदै आगामी कदमह? चाल्ने बताए ।
उनले पुरानो दुई वटा दलको बाहुल्यमा बनेको सरकारको औचित्य भाद्र २३ गते समाप्त मात्र होईन पूर्ण समाप्त भएको पनि बताए ।
उनले भने, ‘जेनजीको माग पनि त्यही हो र रास्वपाको पनि विचार त्यही हो की ताजा जनादेशमा जानुपर्छ । पुरानो दुई वटा दलको बाहुल्यमा बनेको सरकारको औचित्य समाप्त मात्र होईन पूर्ण समाप्त भएको कुरा हामीले भाद्र २३ गते नै गरेका थियौँ र त्यही दुईवटा दलको बल कायम रहेको संसदको वैधतामाथि पनि प्रश्न उठेको कुरालाई आत्मसाथ गर्दै आगामी निकास भनेर अबका घटनाक्रमह? पनि छन् ।’
भदौ २३ को दमन र २४ को आगजनी, तोडफोड र हिंसाको निन्दा गर्दै छुट्टै न्यायिक छानबिन हुनुपर्ने मागलाई सरकारले सम्बोधन गरेर त्यसलाई पूर्ण ?पमा सघाउने पनि उनको भनाई छ ।
उनले भने, ‘भदौ २४ को अप्रिय घटना श्रृंखलालाई पनि पार्टीले त्यती बेला नै २३ को दमन र २४ को आगजनी, तोडफोड र हिंसाको पनि हामीले निन्दा गर्दै त्यसको पनि छुट्टै न्यायिक छानबिन हुनुपर्छ भन्ने माग गरेका छौँ । सरकारले पनि त्यसलाई सम्बोधन गरेर एउटा जाँचबुझ आयोग गठन गरेको छ । त्यसलाई पूर्ण ?पमा सघाउने कुरा छँदै छ, त्यसपछि अबको राजनीतिक कोर्ष के हुन्छ भनेपछि फागुन २१ ताजा जनादेशको लागि आह्वान भएको छ । यद्यपी कामह? गर्नै बाँकी छ ।’
