काठमाडौं । राष्ट्रपति रामचन्द्र पौडेलको प्रेस सल्लाहकारमा किरण पोखरेल नियुक्त हुनुभएको छ । नेपाल प्रेस युनियनका पूर्वअध्यक्ष तथा सूचना आयोगका पूर्व आयुक्त समेत रहनु भएका पोखरेल आइतबार सल्लाहकारमा नियुक्त हुनु भएको हो । उहाँ ३ दशकदेखि पत्रकारिता क्षेत्रमा सक्रिय रहदै आउनु भएको छ।

Advertisement

राष्ट्रपति पौडेलले राजनीतिक सल्लाहकारमा सुनीलबहादुर थापा, आर्थिक सल्लाहकारमा चिरञ्जीवी नेपाल, परराष्ट्र सल्लाहकारमा सुरेशचन्द्र चालिसे र कानुनी सल्लाहकारमा बाबुराम कुँवरलाई नियुक्त गरिसक्नु भएको छ । त्यसैगरी सचिवालयमा चिरञ्जीवी अधिकारी, खिला कार्की, सुशील तिमल्सिना र अनिश रेग्मी नियुक्त हुनु भएको छ।