काठमाडौँ । प्रधानमन्त्री पुष्पकमल दाहाल प्रचण्डले कैलालीको गेटास्थित लेखराज भट्टको निवाससँग आफ्नो ४० वर्ष पुरानो सम्बन्ध रहेको बताउनु भएको छ।
आइतबार सुदूरपश्चिम विश्वविद्यालयको दीक्षान्त समारोहमा भाग लिन धनगढी पुग्नु भएका प्रधानमन्त्री प्रचण्ड एमाले नेता भट्टको घरमा पुग्नु भएको हो । सो क्रममा उहाँले भन्नु भयो, ‘यो घरसँग मेरो ४० वर्षदेखि सम्बन्ध छ। यहाँमाथि एउटा म बस्ने कोठा छ। जहाँ मैले खाने बस्ने गर्थे। त्यसैले यो घर मेरो पनि हो भन्ने लागेर यहाँ आएको हुँ। बाँकी कुरा, लेखराजजी राजनीतिक व्यक्तित्व भएकोले समसामयिक राजनीतिक घटनाक्रमबारे छलफल हुने नै भइहाल्यो’,

Advertisement

लेखराज पूर्वमाओवादी नेतासमेत हुनुहुन्छ । उहाँ नेकपा विभाजनका बेला एमालेमा समाहित हुनु भएको थियो ।