काठमाडौं । जिल्ला प्रशासन कार्यालय भक्तपुरले भोलिदेखि आउँदो वैशाख ५ गतेसम्म खुलारुपमा मदिरा विक्रि वितरणमा रोक लगाएको छ । बिस्केट जात्रालाई शान्तिपूर्ण रुपमा सम्पन्न गर्न गराउन जाँडरक्सी बिक्री वितरणमा रोक लगाईएको जिल्ला प्रशासन कार्यालय भक्तपुरले जनाएको छ । भोलिदेखि आउँदो वैशाख ५ गतेसम्म सञ्चालन हुने जात्रा अवधिभर खुलारुपमा जाँडरक्सी बिक्री हुँदा हिंसा, अपराध जस्ता घटना हुनसक्ने भन्दै जाँडरक्सीको खुला बिक्रीमा रोक लगाइएको हो ।

Advertisement

खुला वा बोतलमा जाँडरक्सीको बिक्री वितरण, ओसारपसार तथा खाएको पाइए प्रचलित कानुनबमोजिम कारबाही हुने जिल्ला प्रशासन कार्यालयले निकालेको विज्ञप्तिमा भनिएको छ। जात्राको समयमा ढुङ्गामुढा गर्ने, हुलहुज्जत तथा होहल्ला गर्ने र उच्छृङ्खल गतिविधि गर्नेलाई पनि कडा कारबाही गरिने भएको छ ।