अप्सरा धमला, काठमाडौँ । राष्ट्रिय स्वतन्त्र पार्टिका उपसभापति तथा पुर्व श्रम रोजगार तथा सामाजिक सुरक्षा मन्त्री डिपी अर्यालले देशलाई चाईने मान्छे चिन्न सकेनौँ भने बारा चितवन र तनहुँका जनतालाई पश्चताप हुन सक्ने बताउनु भयो । उहाँले एक कार्यक्रममा बोल्दै यस्तो बताउनु भएको हो । उहाँले भन्नु भयो, “देशलाई चाईने मान्छे हामीले चिन्न सकेनौँ भने बारा चितवन र तनहुँका जनतालाई कतै पश्चताप पनि हुनसक्छ कि हामीले ठुलै मुल्य गुमायौँ जसले गर्दा मेरो आउने पुस्ताहरुको प्रगति हुन्थ्यो त्यो प्रगतिलाई नै हामीले रोक्यौँ भनेर पश्चाताप नहोला भन्न सकिन्न ।”
उहाँले युवाहरुले राष्ट्रिय स्वतन्त्र पार्टिमा भएका राम्रा मान्छेलाई गुमाउनु हुन्न भनिराख्दा सम्पुर्ण जनताले राष्ट्रिय स्वतन्त्र पार्टिमा भोट हाल्न पनि आग्रह गर्नु भयो । यस्तै उहाँले अहिलेलाई मत परिवर्तन गरे पुग्ने बताउनु भयो । उहाँले भन्नु भयो, ” अहिलेलाई मनै परिवर्तन गर्ने एकदम उकुसमुकुस भएर आउनु पर्दैन, अहिलेलाई चै मत परिवर्तन होस भन्ने मेरो अनुरोध छ ।”
उहाँले डा. स्वर्णिम वाग्लेलाई तनहुँले पाउनु तनहुँ बासिका लागि सौभाग्य रहेको पनि बताउनु भयो ।
