काठमाडौँ । नयाँ वर्ष २०८० तथा बिस्केट जात्राको अवसरमा भक्तपुरमा आज बिहीवारदेखि ‘सातौं भक्तपुर औद्योगिक, सांस्कृतिक, पर्यटन तथा व्यापार महोत्सव’ शुरू भएको छ । औद्योगिक शान्ति नेपाल संस्था, मध्यपुर ब्वाइज व्याण्डकोे आयोजना एवं भक्तपुर जिल्ला खेलकुद विकास समितिको सहयोगमा सल्लाघारीस्थित नेपाल ट्रस्टको जग्गामा महोत्सव आयोजना गरिएको हो ।

Advertisement

महोत्सवमा खाद्यान्न, लत्ताकपडा, कृषि तथा हस्तकलाका सामग्री, भाँडाकुँडा, मोबाइल, सवारीसाधन लगायतका कक्ष रहेका छन् । सामानमा २०–५० प्रतिशतसम्म छुटको व्यवस्था गरिएको छ । आयोजकका अनुसार महोत्सवमा करीब ५ लाख उपभोक्ताले अवलोकन गर्ने तथा १० करोडदेखि १२ करोड रुपैयाँसम्मको कारोबार हुने अपेक्षा गरिएको छ । ११ दिनसम्म चल्ने महोत्सवमा विभिन्न कलाकारको सांगीतिक प्रस्तुति समेत रहने छ ।