काठमाडौं । नेपाली राष्ट्रिय क्रिकेट टिमका पूर्वकप्तान सन्दीप लामिछाने विरुद्धको जबरजस्ती करणी मुद्दामा अन्तिम सुनुवाइका लागि आज पेसी तोकिएको छ चैत १३ गते पनि अन्तिम सुनुवाइका लागि पेसी तोकिएकोमा लामिछानेलाई पुर्पक्षका लागि थुनामा पठाउने न्यायाधीश माधवप्रसाद घिमिरेको इजलासमा परेपछि लामिछानेकै कानुन व्यवसायीले स्थगित गराउनु भएको थियो । त्यसपछि आजका लागि सुनुवाइ पेसी तोकिएको हो । सर्वोच्च अदालतले लामिछाने विरुद्धको जबरजस्ती करणी मुद्दा ‘फास्ट ट्रयाक’बाट सकाउन आदेश दिए पनि हालसम्म अन्तिम सुनुवाइ सुरु भएको छैन।

Advertisement

लामिछाने विरुद्ध नाबालिग बालिकालाई बलात्कार गरेको अभियोग छ। लामिछानेले गत भदौ ५ को राति सिनामंगलस्थित एक होटलमा लगेर नाबालिगमाथि पटक-पटक बलात्कार गरेको अभियोगपत्रमा उल्लेख छ। नाबालिगका तर्फबाट भदौ २१ मा प्रहरीमा जाहेरी परेको थियो।