काठमाडौं । त्रिभुवन अन्तर्राष्ट्रिय विमानस्थल क्षेत्रमा पार्किङ महँगो भएको भन्दै ट्याक्सी चालकहरुले विमानस्थल क्षेत्रमा हड्ताल गरेका छन् । नेपाल यातायात स्वतन्त्र मजदुर संगठनले नेतृत्व गर्दै ट्याक्सी सेवा बन्द गरेका हुन् । त्रिभुवन विमानस्थल क्षेत्रमा पहिले पार्किङ शुल्कब प्रतिघण्टा २० रुपैयाँ थियो । अहिले ८० रुपैयाँ पुर्याइएको छ । आबका दिनमा १०० रुपैयाँ पुर्याउने धम्की आएको भन्दै ट्याक्सी चालकहरु लामो समयदेखि विरोधमा उत्रिएका छन् । यसअघि पनि उनीहरुले विमानस्थलको गेट अगाडि बसेर विरोध प्रदर्शन गरेका थिए
Advertisement
उनीहरुले भाडाका ट्याक्सीहरुको पार्किङ शुल्क घटाउन माग गर्दै यसअघि ज्ञापन पत्र बुझाएका थिए । तर माग सम्बोधन नभएको र वार्तामा समेत नबोलाएको भन्दै ट्याक्सी चालकहरु आन्दोलन गरिरहेका छन् । विमानस्थल बाहिर भने ट्याक्सी सञ्चालन भईरहेको छ ।
