काठमाडौँ । नायिका आँचल शर्मा फेरी विबादमा तानिनु भएको छ । प्रकाश सुवेदीको रजतपट कार्यक्रममा बोल्दै आँचलले भलिबल खेलाडी सिपोरा गुरुङको विगत कोट्याएको प्रसङ्गका कारण उहाँ ट्रोलको शिकार बन्नु भएको हो । सिपोरा गुरुङलाई कसरी चिन्नुहुन्छ भन्ने प्रश्नमा आँचलले उदिपजीको पूर्व प्रेमीका हुनुहुन्छ’ भनेर जवाफ दिएपछि धेरैले उहाँलाई सिपोराको भावी जिन्दगी र उहाँको जिन्दगीको गोपनियताको ख्याल नगरेको भन्दै आँचललाई सामाजिक सञ्जालमा ट्रोल बनाईरहेका छन् ।
कार्यक्रम सञ्चालकले कुरा कोट्याउन खोज्दै विषयलाई तन्काउन खोजेको मौकामा उहाँले पहिला दिएको उत्तर भलिवल खेलाडीलाई यती मात्रै भनेपछि आँचलले ‘उदिपजीको पूर्व प्रेमीका हुनुहुन्छ’ भन्नु भएको थियो । कार्यक्रम सञ्चालकले सिपोराको तस्विर कार्यक्रममा देखाउँदा आँचलले उहाँ निकै राम्री भएको तर आफ्नो श्रीमानको पूर्व प्रेमिकासँग सम्बन्ध बनाउन आफूसँग त्यति ठूलो मुटु नभएको बताउनु भएको छ । आँचलले उदीपलाई अहिले ति युवतीसँग कुराकानी गर्न र नजिक हुने अवसर नै नदिने प्रतिक्रिया पनि दिनु भएको छ । कार्यक्रम सञ्चालकले उदीप र सिपोराको कुरा हुन्छ अहिले भन्ने प्रश्नमा आँचलले त्यस्तो उत्तर दिनु भएको हो । सिपोरा आँचलका श्रीमानकी पूर्व प्रेमीका हुनुहुन्थ्यो भन्ने कुरा सार्वजनिक रुपमा धेरैलाई थाहा नभएको अवस्थामा आँचलले सार्वजनिक गर्दिनु भएको छ ।
