काठमाडौँ । उपप्रधानमन्त्री तथा गृहमन्त्री नारायणकाजी श्रेष्ठले मिटरब्याजी पीडितहरूको स्वास्थ्य अवस्थाबारे जानकारी लिनु भएको छ । अनामनगरस्थित मिटरब्याजी पीडितहरू बसिरहेको एक गुम्बामा पुगेर उपप्रधानमन्त्री श्रेष्ठले स्वास्थ्य अवस्थाबारे जानकारी लिनु भएको हो । त्यसक्रममा श्रेष्ठले यो विषयलाई सरकारले गम्भीरताका साथ लिएको बताउनु भएको छ ।

Advertisement

यसअघि शनिबार मिटरब्याज पीडितसँग सरकारले पाँच बुँदे सहमति गरेको छ । सरकारसँग सहमति गरेसँगै मिटरब्याजी पीडितहरू आन्दोलन फिर्ता लिएर घर फर्कने तयारीमा छन् । बर्दीबासबाट १२ दिन हिँडेर काठमाडौं आएपुगेका मिटरब्याजी पीडितहरू घर फर्कने तयारीमा रहँदा उपप्रधानमन्त्री श्रेष्ठले उनीहरूको स्वास्थ्य उपचारको लागि पहल लिनु भएको थियो । १२ दिनसम्म हिँडेर काठमाडौं आइपुगेका अधिकांश मिटरब्याजी पीडितहरू बिरामी परेका थिए ।