राष्ट्रिय स्वतन्त्र पार्टी कि सांसद सोविता गौतमले संस्कृति पर्यटन तथा नागरिक उड्यन मन्त्री सुदन किरातिलाई सुझाव दिनु भएको छ । माननिय सुदन किरातिले बुधबार विहान ट्वीटर मार्फत “नेपालको पर्यटन क्षेत्र भाइब्रेट गर्न के गर्नु पर्ला ?” भनेर सुझाव माग्नु भएको थियो । सोही सन्दर्भमा सांसद गौतमले बुधबार बसेको प्रतिनिधि सभा बैठकमा पर्यटन क्षेत्र सम्बन्धि आफ्नो धारणा व्यक्त गर्नु भएको हो । उक्त बैठकमा नेपालको आर्थिक उन्नतिमा पर्यटन क्षेत्रको महत्वपुर्ण भुमिका रहेको र पर्यटन क्षेत्रको मेरुदण्ड मानिएको हवाई क्षेत्रमा भएको दुर्घट्नाले जहाज चड्ने बेला सधैँ त्रसित हुनु पर्ने कुरालाई व्यक्त गर्नु भएको छ ।
दुर्घट्ना पछि बनेका छानविन समिति र अन्य निकाएले दिएको सुझाबलाई कार्यान्वयन गर्न सरकार तयार नभएको हो? भन्ने प्रश्न सरकारलाई गर्नु भएको छ । नियमन गर्ने निकाएले विमानस्थल सञ्चालनमा मात्रै ध्यान दिएको र नियमनकारी जिम्मेवारी बाट ओझेल परेको कुरालाई स्पष्ट पार्नु भएको हो । उहाले भन्नु भएको छ “एउटै संस्थाले विभिन्न कार्य गर्ने र आफै छानविन गर्नाले सेवाको सुरक्षा र र गुणस्तरमा प्रश्न उठ्नु स्वभाविक हो ।”
अन्तर्राष्ट्रिय समुदायले नेपालको वायु सेवालाई कालो सुचिमा राखेकाले यसलाई हटाउन समेत सरकारको ध्यानाकर्षण गर्नु भएको छ । साथै नागरिक उड्यन प्राधिकरण विद्यक र नेपाल हवाई सेवा प्राधिकरण विद्यक चाडो भन्दा चाडो प्रतिनिधि सभामा ल्याउन पनि आग्रह गर्नु भएको छ ।
