प्रधानमन्त्री पुष्पकमल दाहाल ‘प्रचण्ड’ले आफू नेतृत्वको वर्तमान सरकार पाँचै वर्षसम्म जाने बताउनु भएको छ बुधबारदेखि काठमाडौंमा सुरू भएको न्यायिक समितिको पहिलो राष्ट्रिय सम्मेलनलाई सम्बोधन गर्दै प्रधानमन्त्री प्रचण्डले निर्वाचन सम्पन्न भएदेखि अहिलेसम्म सरकार परिवर्तन नभएको र आगामी पाँच वर्षसम्म पनि आफू नेतृत्वकै सरकारले निरन्तरता पाउने विश्वास रहेको बताउनु भएको हो ।प्रधानमन्त्री प्रचण्डले भन्नु भयो ‘स्थानीय तहको निर्वाचनपछि संघ र प्रदेशको निर्वाचन गर्याैं। त्यसपछि सरकार निरन्तर एउटै छ । मेरै नेतृत्वमा सरकार छ । मलाई विश्वास छ, यो सरकार पाँचै वर्षसम्म जान्छ,’
प्रधानमन्त्री प्रचण्डले सरकारको स्थिरताबारे ढुक्क रहन आग्रह गर्नु भएको छ । सत्तारूढ गठबन्धन दलहरूबीच प्रचण्ड साढे २ वर्ष प्रधानमन्त्री हुने, त्यसपछि एक वर्ष माधवकुमार नेपाल प्रधानमन्त्री बन्ने र अन्तिममा साढे १ वर्षका लागि शेरबहादुर देउवा प्रधानमन्त्री बन्ने सहमति भएको बताइन्छ।
