काठमाडौं। कांग्रेस महामन्त्री विश्वप्रकाश शर्मा विश्वको सर्वोच्च शिखर सगरमाथाको तेस्रो क्याम्पमा पुगेका छन् । बेसक्याम्पसम्म मात्रै जाने भनेर हिँडेका उनले नयाँ निर्णय लिँदै सगरमाथा आरोहणको प्रयास गरेका हुन् ।

Advertisement

यद्यपि,शर्माको यो आकांक्षामा मौसम र समयको पाबन्दीले चुनौती खडा गरेको छ । सगरमाथा शिखरबाट उनी डेढ किलोमिटर मात्रै तल छन्,तर मौसम अनुकूल छैन । अब माथि उक्लिने कि तल झर्नेमा अलमलमा परेका छन् उनी ।

हिजो फेसबुकमा एउटा स्टाटस लेख्दै शर्माले आफ्नो स्थितिबारे अपडेट गराएका थिए । आफू उच्च मनोबलमा रहेको र स्वास्थ्य स्थिति पनि नबिग्रिएको सुखद खबर उनले आफ्नो शुभचिन्तकहरूलाई बाँडेका छन् । सगरमाथा आरोहण बन्द हुन ६ दिन मात्र बाँकी रहेको र मौसम अस्थिर भएको हुँदा अब चढ्ने कि झर्ने भनेर निर्णय लिन नसकेको उनको भनाइ छ ।