बलिउड अभिनेत्री तथा डान्सर नोरा फतेही नेपाल आएर आफ्नो प्रस्तुति दिएर पुनः दुबइ फर्केकि छन् । उनी जेठ ३ मा बौद्ध टुसालस्थित हायात ग्राउन्डमा ‘नोरा फतेही लाइभ इन नेपाल’ का लागि नेपाल आएकि हुन् ।
वर्ल्डवाइड फिल्मस् नेटवर्क प्रालिको प्रस्तुतिमा यो कार्यक्रम शिक्षाबाट वञ्चित बालबालिकाको क्षेत्रमा काम गर्दै आएको ‘ह्युमन रेस्पेक्ट नेपाल’को सहयोगार्थ भएको थियो । कार्यक्रमको इभेन्ट व्यवस्थापन मनु मिडिया प्रालिले गरेको हो ।
नेपालमा आयोजना हुँदै आएका इन्टरनेशनल आर्टिस्टहरुको शोबीच ‘नोरा फतेही लाइभ इन नेपाल’ अझ उत्कृष्ट भएको दाबी इभेन्ट म्यानेजर मनिष कार्कीको छ । कार्यक्रमका लागि मुम्बईबाट नोरासहित २३ बढी कोसर डान्सरहरु प्रस्तुतिका लागि नेपाल आएका थिए ।
फिल्म निर्माण र सामाजिक काममा लाग्दै आएको आयोजक संस्थाका अध्यक्ष देव मगरका अनुसार ‘नोरा फतेही लाइभ इन नेपाल’मा चर्चित नेपाली कलाकारहरुको पनि प्रस्तुति दिएका थिए ।
कार्यक्रममा नोरासंगै नेपालका चर्चित कलकार दुर्गेश थापा, समर्पण लामा, शुशान्त खत्री, तेरिया मगर लगायत द भोइस अफ नेपालका बिजेताहरुको जोडदार प्रस्तुती रहेको थियो । कार्यक्रममा इन्टरनेशनल कोर्डिनेटरका रुपमा युद्व बानियाँ र डिजिटल मार्केटिङ मनिष बखती हुन् । नेपालको पर्यटन प्रवद्वनमा समेत महत्वपुर्ण उपलब्धि देखिएका कार्यक्रमम नेपाफ पर्यटन बोर्ड र चलचित्र विकास बोर्ड प्रबद्वका रुपमा रहेका थिए । नोराको बलिउडमा ‘दिलबर दिलबर’, ‘कुसु कुसु’, ‘ओ साकी साकी’, ‘नाच मेरी रानी’ जस्ता गीतहरु सुपर हिट छन् ।
