काठमाडौं । वरिष्ठ अभिनेता निर शाहले प्रधानमन्त्री केपी शर्मा ओलीभित्र जिउँदो कलाकार रहेको भन्दै देशका कलाकर्मीको ओलीप्रतिको आकर्षण रहेको बताएका छन् ।
बनेपामा बन्न लागेको अत्याधुनिक चलचित्र स्टुडियो शिलान्यास कार्यक्रमका प्रमुख अतिथी ओलीलाई सम्बोधन गर्दै बरिष्ठ कलाकार शाहले ओलीबाट कलाकर्मीले माया र सद्भाव पाउने गरेको बताए ।
शाहले भने–
हाम्रो प्रधानमन्त्रीज्यू कला क्षेत्र बुझेको मान्छे हुनुहुन्छ । उहाँले हामी चलचित्रकर्मी र सबै कलाकारलाई असाध्यै माया गर्नुहुन्छ र हाम्रो समस्या सुन्नु पनि हुन्छ । तपाईको माया सधै यसैगरी पाइरहुँ प्रधानमन्त्रीज्यू । यसको कारण के भने तपाईभित्र पनि एउटा कलाकार जिउँदो छ । तपाईप्रतिको हाम्रो आकर्षण तपाईभित्र रहेको जिउँदो कलाकार नै हो । त्यो कलाकार सधैं जिउँदो रहोस् भन्ने शुभकामना छ ।
शाहले नेपालमा आधुनिक चलिचत्र स्टुडियो बन्न ६० वर्ष लागेको र त्यो पनि ओली प्रधानमन्त्री भएकै बेला सम्भव बनेको भन्दै धन्यवाद समेत दिए ।
