नेपाली कांग्रेसको तर्फबाट भानु नगरपालिकाको मेयरमा मौरतीले टिकट पाउने सम्भावना बलियो देखिएको छ । एमाले र जोशीको गठबन्धन भएसँगै जोशीको प्रभाव कम गरी नगरपालिकामा कांग्रेसले जित्न मौरतीको विकल्प नभएको जानकारहरु बताउँछन् । प्रत्येक जनताको घर दैलोमा पुगेर सुखदुःखमा साथ दिने गरेका मौरतीले बाहेक अन्यले टिकट पाउँदा भानुमा कांग्रेसलाई जित निकाल्न सहज नहुने कांग्रेसी कार्यकर्ता नै बताउँछन् । विपक्षी दलको समेत भोट तान्न सक्ने क्षमता मौरतीसँग रहेको आम भानुबासीले बताउने गरेका छन् । कांग्रेसको १४औं महाधिवेशनबाट हेभिवेट नेतालाई दोस्रो स्थानमा रोक्दै तनहुँ क्षेत्र नंं. १को सभापतिमा निर्वाचित भएकोले पनि मौरतीको तुलना अन्यसँग हुनै नसक्ने बताइएको छ । पार्टीमा निकै संघर्ष गर्दै अगाडि बढेका मौरतिको गर्बिलो ईतिहास रहेको छ ।
कुशल व्यबहार , इमानदार छवि र सबैमाझ मिलनसार व्यबहार गर्ने मौरती भानु नगरबासी बिच चिर परिचित छन । जनातको कुरा सुन्ने र समान व्यबहार गर्न रुचाउने मौरती लाई लोकप्रिय उम्मेदवारको रुपमा हेरिएको छ । भानुमा दलित समुदायको ७००० मत रहेको र दलित समुदाय बाट प्रतिनिधित्व हुदा उक्त समुदायको मत आउने आकलन रहेको छ । देशभर १६५ संघीय क्षेत्र बाट एक मात्र दलित समुदायबाट क्षेत्रीय सभापति बनेका मौरति लाई फरक बिचार र आस्था राख्ने मतदाताले पनि मत दिने आकलन भानु नगर भित्र हुने गरेको छ । एउटा युवा, कुशल संगठन, घामपानीमा भिजेको, राजधानी केन्द्रीत भन्दा पनि ग्राउण्ड लेवलमा रहेर जनताको सुख दुःख बुझेको व्यक्ति मेयरको रुपमा पाउँदा भानुलाई एउटा संवृद्ध नगरपालिकाको रुपमा विकास गर्न सहयोग पुग्ने आम भानुवासीको बिश्वास रहेको छ । ७५३ वटा पालिकामा जम्मा २ जनादलित समुदायबाट मेयरको दाबेदारी रहेको र त्यो मध्यबाट पनि गन्डकी प्रदेशको भानु नगरपलिकामा मात्र दलित समुदायबाट श्याम कुमार मौरतीको उम्मेदवारी परेको साथै नेपाली कांग्रेस
को केन्द्रिय समिती र गन्डकी प्रदेश समितीलाई दलित समुदायको ब्यक्तीलाई नगर प्रमुखको टिकट दिने या नदिने बिसयमा चुनौती थपिएको बुझिएको छ ।
