काठमाडौं । बिचौलियासँग सम्बन्ध र आर्थिक लेनदेनमा नाम जोडिएका न्यायाधीशमाथि निष्पक्ष छानबिन गर्न विपक्षी दलहरूले तत्काल संसद् बैठक बोलाउन माग गरेका छन्।
कांग्रेस संसदीय दलको कार्यालयमा बसेको विपक्षी दलहरूको बैठकले पत्रकार पक्राउ, सुनकोशी–मरिण डाइभर्सनको ठेक्का रद्द तथा सरकारी अधिकारीमाथि गरिएको कारबाहीप्रति पनि आपत्ति जनाएको छ।
कांग्रेस नेता भीष्मराज आङदेम्बेले सरकारका गतिविधिविरुद्ध विपक्षी दलहरू एकजुट भएर प्रतिवाद गर्ने बताए। उनले संविधान र लोकतान्त्रिक प्रणालीको रक्षाका लागि संसद् र संसद्बाहिर दुवै ठाउँमा विपक्षीको भूमिका प्रभावकारी बनाउने चेतावनी दिए।

Advertisement