काठमाडौँ । आन्दोलनरत नेपाल वैदेशिक रोजगार व्यवसायी सङ्घ र श्रम, रोजगार तथा सामाजिक सुरक्षा मन्त्रालयबिच सोमबार सहमति भएको छ।
Advertisement
मन्त्री र सचिवको सहभागितामा नेपाल वैदेशिक रोजगार व्यवसायी सङ्घका अध्यक्ष, सल्लाहाकार र पदाधिकारिहरूबिच भएको छलफलपछि आन्दोलन स्थगित गर्ने सहमति भएको हो।
संघले साउन २२ गतेदेखि १५ बुँदे माग राखी सञ्चालन गरिरहेको ध्यानाकर्षण कार्यक्रम तथा भदौ १ गतेदेखि गन्तव्य मुलुकमा श्रमिक पठाउन बन्द गर्ने निर्णय गरेको थियो ।
वैदेशिक रोजगारीको क्षेत्रलाई यथाशक्य छिटो पारदर्शी, सुरक्षित र मर्यादित बनाउने गरी संशोधन प्रक्रिया टुङ्गोमा पुर्याउन मन्त्रालय र सङ्घले अधिकतम प्रयत्न गर्ने सहमति भएको छ।
