३ असार, काठमाडौं ।** अमेरिकी राष्ट्रपति डोनाल्ड ले इजरायली प्रधानमन्त्री बेन्जामिन को सार्वजनिक रूपमा आलोचना गर्दै लेबनानमा इजरायलले गरिरहेका सैन्य कारबाहीलाई अनावश्यक र अत्यधिक भएको बताएका छन्।
क्यानडामा आयोजित जी७ सुम्मित का क्रममा पत्रकारहरूसँग कुरा गर्दै ट्रम्पले इजरायलले हिजबुल्लाहविरुद्ध आवश्यकता भन्दा लामो समयदेखि सैन्य अभियान चलाएको र त्यसबाट सर्वसाधारण नागरिकले ठूलो क्षति व्यहोर्नुपरेको बताए।
‘कसैको खोजीमा पूरा क्षेत्र ध्वस्त पार्नु बुद्धिमानी होइन। त्यहाँ बस्ने सबै मानिस हिजबुल्लाहका होइनन्,’ ट्रम्पले भने।
ट्रम्पले लेबनानमा भएको इजरायली आक्रमणप्रति असन्तुष्टि जनाउँदै युद्धविराम तथा शान्ति प्रयासलाई कमजोर बनाउने गतिविधिबाट टाढा रहन नेतन्याहुलाई सुझाव दिएको बताए। उनले इजरायलले लेबनान मामिलामा अझ जिम्मेवार व्यवहार गर्नुपर्ने धारणा पनि राखे।
इरानसँग सम्भावित शान्ति सम्झौताबारे बोल्दै ट्रम्पले वार्ता सकारात्मक दिशामा अघि बढिरहेको संकेत दिए। उनले सम्झौताको प्रक्रिया चलिरहेका बेला बेरुतमा भएको आक्रमण आफूलाई मन नपरेको र त्यसबारे नेतन्याहुलाई स्पष्ट रूपमा जानकारी गराइसकेको बताए।
ट्रम्पले आफूले इजरायलका लागि कुनै पनि अमेरिकी राष्ट्रपतिले भन्दा बढी काम गरेको दाबी गर्दै भने, **‘हामी बिना इजरायल नै हुने थिएन। म नभएको भए इजरायल पनि हुने थिएन, किनभने मैले जति उनीहरूका लागि अरू कुनै राष्ट्रपतिले गरेका छैनन्।’**
उनले लेबनानलाई कुनै समय बौद्धिक र समृद्ध राष्ट्रका रूपमा चिनिने देश भन्दै त्यहाँको वर्तमान अवस्था चिन्ताजनक रहेको टिप्पणी गरे। हिजबुल्लाहको प्रभावले लेबनानलाई अस्थिर बनाएको उनको भनाइ थियो।
पछिल्ला दिनहरूमा ट्रम्प र नेतन्याहुबीचको सम्बन्धमा चिसोपन देखिएको विश्लेषण भइरहेका बेला ट्रम्पका ताजा अभिव्यक्तिलाई दुई नेताबीच बढ्दो मतभेदको संकेतका रूपमा हेरिएको छ। विशेषगरी इरानसँगको अमेरिकी वार्ता र लेबनानमा जारी इजरायली कारबाहीका विषयमा दुवै नेताको दृष्टिकोण फरक देखिएको छ।
राजनीतिक विश्लेषकहरूका अनुसार मध्यपूर्वमा तनाव कम गर्ने आफ्नो प्रयास सफल बनाउन ट्रम्पले इजरायलमाथि दबाब बढाउन थालेका छन्, जसको झल्को उनका पछिल्ला सार्वजनिक अभिव्यक्तिमा देखिएको छ।
