काठमाण्डौ । प्रि-मनसुनको समयमा नियमित जसो पानी परेपछि र असार महिना सुरु हुन लागेसँगै किसानहरू धान रोप्नका लागि आफ्नो खेत तयार पार्नमा व्यस्त रहेका हुन्छन। वर्षाले माटो भिजाएपछि किसानहरूलाई रोपाइँको पूर्वतयारीको चटारो सुरु गर्न थाल्ने गर्दछन। पछिल्लो केहि दिनयता देशैभरि पानि परेसंगै किसानहरु खेत तयार गर्न दिनभरि खेतबारीमा दिन बिताउने गरेका छन।
प्रायः जसो असार महिनातिर रोपाई सुरु गर्ने र त्यसअघि खेत तयार पार्दै खेतमा मल हाल्ने काममा किनासहरु निकै व्यस्त देखिन्छन् । धानको उत्पादकत्व बढाउनका लागि माटोलाई राम्रोसँग तयार पार्नुपर्ने भएकाले किसानहरू बिहानैदेखि खेतमा खटिएका छन् । नियमित वर्षा भइरहेकाले यस वर्ष समयमै रोपाइँ गर्न सकिने आशामा कृषकहरु उत्साहित देखिएका छन् ।
चलनअनुसार धान रोपाई गर्ने प्रवृति फरक फरक हुन्छ। विशेषगरी मधेश प्रदेशमा बढी धान रोपाइँ हुने भए पनि सुदूरपश्चिमका पहाडी जिल्लामा अपनाइने रोपाइँको तरिका अलि फरक देखिन्छ। पश्चिममा रोपाइँका बेला रोपाहा/रोपारोले फागलगायत परम्परागत संस्कृतिको झल्को दिँदै उत्साहका साथ रोपाइँ गर्ने गर्छन्। रोपाइँको सिजन सुरु हुन लागेसँगै कृषक वर्गमा चटारो बढेको छ।
सम्पादक-GOBIND JOSHI
