काठमाडौं । उपनिर्वाचन भइरहेका तीन निर्वाचन क्षेत्रमा बिहान १० बजेसम्म शान्तिपूर्ण रुपमा मतदान भइरहेको निर्वाचन आयोगले जनाएको छ । बिहान १० बजेसम्म तीनै निर्वाचन क्षेत्रमा १० प्रतिशत भन्दा बढी मतदान भएको आयोगको भनाइ छ । हालसम्म बारामा भने सामान्य विवाद भएको छ ।
उपनिर्वाचन भइरहेका तीन निर्वाचन क्षेत्रमध्ये १० बजेसम्म चितवन २ मा सबैभन्दा धेरै मत खसेको छ । चितवन २ मा १७ प्रतिशत मतदान सम्पन्न भएको छ भने मतदाता उत्साही हुँदै मतदानका लागि लाइन लागेका छन् । चितवन २ मा सत्ता गठबन्धनका तर्फबाट नेपाली कांग्रेसका उम्मेदवार जितनारायण श्रेष्ठ, राष्ट्रिय स्वतन्त्र पार्टीवाट रवि लामिछाने र नेकपा एमालेबाट रामप्रसाद न्यौपाने उम्मेदवार रहनु भएको छ ।
चिवतनपछि बारा–२ मा धेरै प्रतिशत मत खसेको छ । बारा २ मा १० बजेसम्म १५ प्रतिशत मतदान भएको छ । त्यस्तै तनहुँमा १३.६ प्रतिशत मतदान सम्पन्न भएको छ । बारामा सत्ता गठबन्धनका तर्फबाट जसपाका अध्यक्ष उपेन्द्र यादव, जनमत पार्टीका तर्फबाट शिवचन्द्रप्रसाद कुशवाह, नेकपा एमालेबाट पुरुषोत्तम पौडेल र राष्ट्रिय स्वतन्त्र पार्टीबाट रमेश खरेल उम्मेदवार रहनु भएको छ निर्वाचन शान्तिपूर्ण तरिकाले चलिरहेको मुख्य निर्वाचन कार्यालयहरुले जनाएका छन् ।
