काठमाडौं । कञ्चनपुरको बेलौरी नगरपालिका-८ पचुईमा बाघले एक महिलामाथि आक्रमण गरेको छ । स्थानीय ४२ वर्षीया गंगा चन्दलाई आक्रमण गरेर लगेको प्रहरीले जनाएको छ।
Advertisement
जिल्ला प्रहरी कार्यालय कञ्चनपुरका अनुसार घर छेउकै खप्टी नालामा घाँस काटिरहेकी चन्दलाई बाघले लगेको छ । उहाँको खोजी कार्य भइरहेको छ । उक्त क्षेत्रमा चैत मध्यदेखि दिउँसै बाघ देखिइरहेको थियो । चैत तेस्रो साता भारतको दुधुवा राष्ट्रिय निकुञ्जमा बाघको आक्रमणमा परि पुनर्वास नगरपालिका १० की एक महिलाको मृत्यु भएको थियो ।
