काठमाडौँ । अमेरिकाका राष्ट्रपति जो बाइडनले आगामी मंगलवार भिडियो सन्देशमार्फत सन् २०२४ मा हुने निर्वाचनमा उम्मेदवारी घोषणा गर्ने पश्चिमा सञ्चारमाध्यमहरूले खबर दिनु भएको छ । चार वर्षअघिकै मितिसँग मिल्ने हिसाबमा बाइडनले उम्मेदवारी घोषणा गर्न खोजेको द वाशिङटन पोस्टले लेखेको छ ।
सन् २०२० को चुनावमा लड्ने निर्णय बाइडनले अहिले ढिलै गर्नु भएको थियो । सन् २०१९ अप्रिल २५ मा उहाँले भिडियो सन्देशमार्फत उक्त घोषणा गर्नु भएको थियो । चुनावमा उहाँले तत्कालीन बहालवाला राष्ट्रपति डोनल्ड ट्रम्पलाई पराजित गर्नु भएको थियो ।
अहिले बाइडनको समर्थन सूचकांक कमजोर छ अनि उहाँको उमेर पनि निकै ढल्किसकेको छ । त्यसैले आगामी चुनावमा रिपब्लिकन पार्टीको उम्मेदवार राष्ट्रपति बन्न सक्ने आकलन गरिएको छ । बाइडनको डेमोक्रेटिक पार्टीबाट मेरिएन विलियमसन र रोबर्ट एफ केनेडी जुनियरले चुनाव लड्ने घोषणा गरिसक्नु भएको छ ।
