अप्सरा धमला, काठमाडौँ । काठमाडौँ महानगरपालिकाका मेयर बालेन्द्र शाहाले चोकचोकमा सिसिटिभि जडान गर्ने आफ्नो बाचा पुरा गर्न थालेको बताउनु भएको छ । आज शुक्रबार सामाजिक सञ्जालमा पोष्ट राख्दै यस बारे जानकारी दिनु भएको हो । सहरको शान्ति, सुरक्षा, अपराध लगायत विभिन्न कार्यका लागि महानगरमा सिसिटिभि जडान गर्ने बालेनको भनाई थियो । चुनावि एजेण्डाकै रुपमा अगाडि सारिएको यस विषयको सुरुवात भएको उहाँले बताउनु भएको छ ।

Advertisement

‘चुनाब पहिले मैले भनेको थिए चोक चोकमा CCTV हाल्नेछु , यस्को सुरुवात हामीले यसको जडान र सञ्चालनको लागि नेपाल प्रहरीलाई ६ करोड रुपैयाँ उपलब्ध गराएको छौ । सहरको शान्ति सुरक्षा, अपराध नियन्त्रण, दुर्घटना, फोहरमैला व्यवस्थापन, फुटपाथ अतिक्रमण, प्रदुषण, सार्वजनिक सम्पत्तिको उपयोगजस्ता सहरी सुशासन र महानगरपालिकाको कार्य सम्पादनलाई सूचना प्रविधि प्रणालीमा आवद्ध गराउन महानगरपालिकाले नेपाल प्रहरीलाई उपलब्ध गराउन लागेको हौ । यो सुरुवात मात्र हो हामी भबिस्यमा अझै धेरै सहकार्य गर्नेछौ ।’ उहाँले लेख्नु भएको छ ।

यो केवल सुरुवातमात्र रहेको पनि मेयर शाहाले स्पष्ट पार्नु भएको छ ।