काठमाडौँ । गुल्मीमा आगो निभाउने क्रममा जलेर एक जनाको मृत्यु भएको छ भने एक जना गम्भीर घाइते हुनु भएको छ । जिल्लाको धुर्कोट गाउँपालिका वडानम्बर ३ का १३ वर्षका दिपक मुखियाको पाल्पामा उपचारको क्रममा आज बिहान मृत्यु भएको जिल्ला प्रहरी कार्यालय गुल्मीले जानकारी दिएको छ ।

Advertisement

आगो निभाउने क्रममा धुर्कोट गाउँपालिका वडानम्बर ३ का ५५ वर्षका धनबहादुर जोगी कुँवर गम्भीर घाइते हुनु भएको छ । गम्भीर घाइते कुँवरलाई थप उपचारको लागि बुटवल लगिएको प्रहरीले जनाएको छ । धुर्कोट गाउँपालिका वडानम्बर ३ हाडहाडे बर्दवास जंगलमा बिहिबारदेखि लागेको आगो निभाउन गएका बेला शरिरको बाहिरि भाग पुरै जलेको प्रहरीले जनाएको छ । जंगलमा लागेको आगो निभाउन प्रहरी स्थानीय खटिएका छन् ।